14 व्या अधिवेशनातील एकूण प्रश्न : 5,921
मुंबई उपनगर जिल्ह्याची एकूण प्रश्नसंख्या: 2,110
मुंबई उपनगर जिल्ह्यातून सर्वाधिक 630 प्रश्न हे वांद्रे पश्चिम मतदारसंघाचे भाजपा आमदार आशीष शेलार यांनी उपस्थित केले. या जिल्ह्यातील चार मतदारसंघांचे नेतृत्व हे महिला आमदार करतात.
या जिल्ह्यातील आमदारांनी विविध क्षेत्रातील व घटनेशी संबंधीत प्रश्न उपस्थित करताना राज्य पातळीवर काही विशेष धोरण निर्मिती करण्यासाठीही विधीमंडळात आवाज उठवला. यामध्ये जिल्हा परिषद शिक्षकांच्या बदल्यांबाबतचे धोरण निश्चित करण्यामध्ये होत असलेला विलंब, राज्य शासनाच्या नवीन वाळू धोरणाच्या अंमलबजावणीबाबत, खाडी व नदीपात्रातील वाळू सदृश्य गाळाचा उपसा होण्याच्या दृष्टीने वाळू-रेती निर्गती धोरणामध्ये सुधारणा करण्याबाबत, मुंबई शहर व उपनगरातील धोकादायक इमारतीमधील रहिवाशांच्या पुनर्वसनाचे कोणतेही धोरण नसल्याबाबत, राज्यातील टोल वसुलीसंदर्भात निश्चित धोरण ठरवणे असे महत्त्वाचे विषय सभागृहात उपस्थित केले.
जिल्ह्याचं प्रतिनिधित्व करणारे आमदार, त्यांचे पक्ष, मतदारसंघ आणि त्यांची प्रश्नसंख्या
| क्र. | आमदाराचे नाव | पक्ष | मतदारसंघ | प्रश्नसंख्या |
| 1 | अबू आजमी | समाजवादी | मानखुर्द | 273 |
| 2 | अमित साटम | भाजप | अंधेरी पश्चिम | 471 |
| 3 | ॲड आशिष शेलार | भाजप | वांद्रे पश्चिम | 630 |
| 4 | अस्लम शेख | काँग्रेस | मालाड पश्चिम | 532 |
| 5 | अतुल भातखळकर | भाजप | कांदिवली पूर्व | 305 |
| 6 | डॉ. भारती लव्हेकर | भाजप | वर्सीवा | 224 |
| 7 | दिलीप लांडे | शिवसेना. जून 2022 पासून शिंदे गट | चांदिवली | 47 |
| 8 | मंगेश कुडाळकर | शिवसेना. जून 2022 पासून शिंदे गट | कुर्ला | 165 |
| 9 | मनिषा चौधरी | भाजप | दहिसर | 459 |
| 10 | मिहिर कोटेचा | भाजप | मुलुंड | 176 |
| 11 | पराग अळवणी | भाजप | विलेपार्ले | 352 |
| 12 | पराग शाह | भाजप | घाटकोपर पूर्व | 240 |
| 13 | प्रकाश सुर्वे | शिवसेना. जून 2022 पासून शिंदे गट | मागाठणे | 86 |
| 14 | प्रकाश फातर्फेकर | शिवसेना. जून 2022 पासून ठाकरे गट | चेंबूर | 67 |
| 15 | राम कदम | भाजप | घाटकोपर पश्चिम | 180 |
| 16 | रमेश कोरगावकर | शिवसेना. जून 2022 पासून ठाकरे गट | भांडूप पश्चिम | 120 |
| 17 | रमेश लटके (11 मे 2022 रोजी निधन)
ऋतुजा रमेश लटके (नोव्हेंबर 2022 पासून) |
शिवसेना
शिवसेना (ठाकरे गट) |
अंधेरी पूर्व | 6
22 |
| 18 | रविंद्र वायकर (2019 ते जून 2022: मंत्रीपदी) मे 24 पर्यंत आमदारपदी | शिवसेना. जून 2022 पासून ठाकरे गट. मार्च 2024पासून शिंदे गट. | जोगेश्वरी पूर्व | 120 |
| 19 | संजय पोतनीस | शिवसेना. जून 2022 पासून ठाकरे गट | कलीना | 174 |
| 20 | सुनील राणे | भाजप | बोरिवली | 193 |
| 21 | सुनील राऊत | शिवसेना. जून 2022 पासून ठाकरे गट | विक्रोळी | 122 |
| 22 | सुनील प्रभू | शिवसेना. जून 2022 पासून ठाकरे गट | दिंडोशी | 344 |
| 23 | विद्या ठाकूर | भाजप | गोरेगाव | 30 |
| 24 | योगेश सागर | भाजप | चारकोप | 261 |
| 25 | झिशान सिद्दीकी | काँग्रेस | वांद्रे पूर्व | 191 |
| 26 | नवाब मलिक. (2019 ते 2022 मंत्री. फेब्रुवारी 2022 ते ऑगस्ट 2023 अटकेत. या काळासाठी प्रश्न, उपस्थिती लागू नाही.) | राष्ट्रवादी कॉंग्रेस | अणुशक्ती नगर | 0 |
(टीप – काही प्रश्न एकापेक्षा अधिक आमदार उपस्थित करतात. त्यामुळे, आमदारांची प्रश्नसंख्या जिल्ह्याच्या प्रश्नसंख्येपेक्षा जास्त भरते.)
14 व्या विधानसभेत मुंबई उपनगर जिल्ह्याशी संबंधित उपस्थित केलेल्या प्रश्नांमधील काही प्रमुख प्रश्न –
- मुंबई शहर व उपनगरातील धोकादायक इमारतीमधील रहिवाशांच्या पुनर्वसनाचे कोणतेही धोरण नसल्याबाबत
- राज्यातील टोल वसुलीसंदर्भात निश्चित धोरण ठरवण्याबाबत.
- मुंबई उपनगरातील शाळांमध्ये स्वच्छतागृहांची झालेली दुरवस्था,
- राज्यात विशेषत: मुंबईतील अनधिकृत शाळांवर कारवाई करण्याबाबत,
- राष्ट्रीय नागरी आरोग्य अभियान अंतर्गत पनवेल येथे अद्ययावत सोयींनी युक्त असे “माता व बाल संगोपन केंद्र” विकसित करण्याबाबत
- राज्यात दिवसाकाठी 40 नवजात बालकांचा मृत्यू होत असून बहुसंख्य शासकीय प्राथमिक अतिवदक्षता केंद्र (PICU) बालरोग व नवजात अतिदक्षता केंद्र (NICU) येथील गर्दी, अपुरा कर्मचारी वर्ग आणि स्वच्छतेच्या कमतरतेचा त्रास महिलांना भोगावा लागत असून या ठिकाणी नवजात बालके अत्यंत असुरक्षित असण्याबाबत.
