आपण बऱ्याचदा लोकांना असे म्हणताना ऐकतो की, “माझ्या जीवनात काहीच चांगले होत नाही.” हे त्यांच्या मनात असलेल्या नाराजीमुळे होतं. पण, जर आपण योग्यवेळी काळजी घेतली, तर आपण खूप आनंदी आणि समाधानी राहू शकतो.
कधीकधी आपले मन नकारात्मक विचारांनी भरून जातं. जेव्हा असे वाटू लागतं की, “काहीच चांगले होणार नाही,” तेव्हा आपण त्या विचारांना दूर करून सकारात्मक विचार करायला शिकलं पाहिजे, आपले जीवन हे चढ-उतारांचे आहे. कधी आपण खूप खाली असतो, तर कधी खूप वर. महत्वाचं म्हणजे, या सर्व गोष्टींचा सामना करून पुढे जाण्याचा प्रयत्न आपण केला पाहिजे.
पण चिंता करू नको! आपण काही सोप्या गोष्टी करून हा तणाव कमी करू शकतो आणि आनंदी जीवन जगू शकतो.
वाईट विचारांना बाय बाय
जेव्हा तुमच्या मनात वाईट विचार येतील तेव्हा त्यांना लगेच झटकून टाका आणि चांगल्या गोष्टींवर लक्ष केंद्रित करा, नेहमी चांगल्या गोष्टींचा विचार करा. आयुष्यात चांगले-वाईट काळ येतच असतात. पण आपल्याला स्वतःवर विश्वास असायला हवा की आपण काहीही करू शकतो, या आत्मविश्वासाने एकेक पाऊल पुढे टाकत रहा.
बदल स्वीकारा
मानवी मन कोणत्याही नव्या गोष्टीचा स्वीकार करण्यास तयार नसते. पण आपण जेव्हा बदल स्वीकारू तेव्हा नक्कीच आपले जीवन अजून सोपे होईल. बदलांमुळे आपल्याला आयुष्यात नवीन गोष्टी शिकायला मिळतात.
कोणाबद्दलही लगेच मत बनवू नका
एखाद्याबद्दल लगेच चांगला किंवा वाईट असा विचार करू नका. अनेकवेळा आपण एखाद्या व्यक्तीबद्दल चटकन मत बनवून टाकतो आणि मग आपण तसंच मानतो. पण हे बरोबर नाही, आपण असं करणं बंद केले तर आपल्याला इतके प्रश्न पडणार नाहीत. प्रत्येक माणूस वेगळा असतो, त्यामुळे आपण ते स्वीकारलं पाहिजे. तसेच, प्रत्येक परिस्थिती ही आपल्या मनासारखी असलेच असं नाही म्हणून आपण कोणत्याही परिस्थितीचां सामना करण्यासाठी तयार असले पाहिजे.
तुम्हाला आवडत असलेल्या गोष्टी करा
तुला काय करायला आवडते? गाणे ऐकायला, चित्र काढायला, खेळायला, पुस्तकं वाचायला? प्रत्येक व्यक्तीला कोणता ना कोणता छंद असतो. जेव्हा आपण आपल्या आवडीच्या गोष्टी करतो तेव्हा आपल्याला खूप चांगलं, फ्रेश वाटत आणि आपल्याला दुसऱ्यांच्या गोष्टींवर तक्रार करण्याचा वेळच मिळत नाही.
परिस्थिती बदलत असते
कोणतीही गोष्ट कायमची नसते. काळ बदलत असतो. आपल्या समोर येणाऱ्या समस्यांचा आपण सतत विचार करत बसलो तर आपण कधीही पुढे जाऊ शकणार नाही. आपल्याला स्वतःवर विश्वास ठेवून पुढे जायचे आहे. आपण जे काही निर्णय घेऊ ते बरोबर आहेत किंवा चूक हे आपल्यालाच सिद्ध करायचे आहे.
