परदेशी शिक्षणासाठी आवश्यक पूर्वपरीक्षा

परदेशी शिक्षणपद्धतीत काय विशेष असतं आणि मार्गदर्शकाची आवश्यकता है आपण गेल्या भागात पाहिलं. या भागात आपण बाहेर शिकायला जायचं, तर कुठल्या परीक्षा द्याव्या लागतात, हे पाहुयात.

सॅट (SAT)

बारावीनंतर अमेरिकेला अंडरग्रॅज्युएशनसाठी जाणाऱ्या विद्यार्थ्यांना SAT द्यावी लागते. सॅट ही एकूण 1600 मार्काची परीक्षा असते. यात 800 मार्काचे Evidence-Based Reading and Writing आणि 800 मार्काचे Mathematics असे 2 विभाग असतात. रीडिंग आणि राईटिंगमध्ये प्रश्न MCQ स्वरूपात असतात. Mathamatics मध्येही काही प्रश्न MCQ स्वरूपात असतात. तर काही प्रश्नांची उत्तरं आपल्याला लिहावी लागतात. सेंट स्कोर 5 वर्ष गाह्य (valid) धरला जातो. या परीक्षेसंबंधी अधिक माहिती आपल्याला https://www.collegeboard.org या अधिकृत वेबसाईट वर मिळेल.

जीआरई (Graduate Record Examination)

ही परीक्षा ETS (एज्युकेशनल टेस्टिंग सर्विसेस) तर्फे घेतली जाते. ही परीक्षा अमेरिकेत मास्टर्स करण्यासाठी जाणाऱ्या विद्यार्थ्यांना द्यावी लागते. विशेषतः विज्ञान, अभियांत्रिकी, फार्मसी, तंत्रज्ञान आणि इतर संबंधित क्षेत्रांमध्ये अभ्यास करण्यासाठी ही परीक्षा आवश्यक असते. काही युनिव्हर्सिटी MBA साठी देखील GRE स्कोअर स्वीकारतात. GRE ही 340 मार्काची असते. या मध्ये 170 मार्कासाठी Verbal Reasoning, 170 मार्कासाठी Quantitative Reasoning आणि 0 to 6 स्केल मध्ये Analytical Writing मोजलं जातं. असे हे तीन

विभाग असतात. GRE स्कोर 5 वर्ष ग्राह्य धरला जातो. GRE परीक्षा दिल्यानंतर तुम्हाला Verbal Reasoning आणि Quantitative Reasoning या विभागांचे अनधिकृत स्कोअर लगेचच स्क्रीनवर दिसतात. मात्र, Analytical Writing चा स्कोअर लगेच मिळत नाहीत. अधिकृत स्कोअर रिपोर्ट साधारणतः 13 business days मध्ये उपलब्ध होतो. तुम्हाला ईमेल‌द्वारे कळवले जाते की, तुमचा स्कोअर रिपोर्ट उपलब्ध आहे. मग तुम्ही तुमच्या GRE account मधे लॉग इन करून हा स्कोअर रिपोर्ट पाहू शकता. तुम्ही परीक्षा देताना 4 युनिव्हर्सिटींना तुमचा स्कोअर Free पाठवू शकता. नंतर अधिक युनिव्हर्सिटींना स्कोअर पाठवायचा असल्यास, त्यासाठी additional charges लागू शकतात.

या सर्वाची माहिती तुम्हाला www.gre.org या अधिकृत वेबसाइट वरून मिळू शकते. बऱ्याचदा भरपूर अभ्यास करूनही स्कोअर कमी येतो. दुसऱ्या वेळेला तुम्ही परत चांगली तयारी करून GRE देऊ शकता. मात्र दोन परीक्षांमध्ये कमीत कमी 21 दिवसांचे अंतर असणं आवश्यक आहे. बरेच जण दुसऱ्यांदा परीक्षा देणं टाळतात. कारण त्यांना वाटतं की दोन्ही परीक्षांचे सरासरी गुण ग्राह्य धरले जातात. पण तसं नसून तुमचा ‘बेस्ट स्कोर’ या युनिव्हर्सिटी ग्राह्य धरतात.

टोफेल (TOEFL)

TOEFL म्हणजे टेस्ट ऑफ इंग्लिश ऍज फॉरेन लँग्वेज. अमेरिकन युनिव्हर्सिटीमध्ये शिकण्यास येणाऱ्या मुलांचे इंग्लिशचे ज्ञान तपासणे हे ह्या परीक्षेचे उ‌द्दिष्ट आहे. जेव्हा आपण कुठल्याही माध्यमात शिकतो तेव्हा त्या माध्यमाचे व्यवस्थित ज्ञान असणे आवश्यक आहे. ही परीक्षा 120 मार्काची असते. यामध्ये Reading, Listening, Speaking आणि Writing हे चार विभाग या परीक्षेमध्ये असतात. प्रत्येक सेक्शन ला 30 मार्क असतात. या ब‌द्दलची अधिक माहिती तसेच नोंदणी कशी करावी याची माहिती आपणास www.ets.org इथे मिळू शकते. साधारण महिनाभरात या परीक्षेची तयारी होते.

आईइएलटीएस IELTS (International English Language Testing System)

अमेरिका सोडून बाकी देशांमध्ये ही परीक्षा accept करतात. पण आता अमेरिकेतील बऱ्याच युनिव्हर्सिटीही exam ग्राह्य धरतात. IELTS 9 बँड ची असते. 9 पैकी कमीतकमी 6.5 बँड स्कोर युनिव्हर्सिटींना अपेक्षित असतो. Reading, Listening, Speaking आणि Writing हे चार विभाग या परीक्षेमध्ये असतात. IELTS टेस्ट ही paper base आणि computer base आहे. दोन्ही पैकी तुम्ही कुठलीही देऊ शकता. या टेस्ट ची तयारी महिनाभरात होते. याची वेबसाइट https://www.ieltsidpindia.com ण 3/4

डिओलिंगो Duolingo – Duolingo टेस्ट पण आता बऱ्याच युनिव्हर्सिटी accept करतात. या टेस्ट चा फायदा असा की तुम्ही घरी बसून ही परीक्षा देऊ शकता आणि याचा score 48 तासांमधे येतो.

GMAT (Graduate Management Admission Test) ही एक जागतिक स्तरावर मान्यताप्राप्त परीक्षा आहे जी विशेषतः MBA (Master of Business Administration) प्रवेशासाठी वापरली जाते.

GMAT 800 मार्काची असते. ह्या परीक्षेचा स्कोर सुद्धा 5 वर्ष ग्राह्य धरला जातो. यात Quantitative Reasoning, Verbal Reasoning आणि Data Insights हे 3 विभाग आहेत.

या परीक्षे संबंधी अधिक माहिती https://www.mba.com/exams/ या वेबसाइट वरून मिळेल.

या सगळ्या परीक्षांचं वैशिष्ट्य असं की यात कुठेही निगेटिव्ह मार्किंग नाही. या परीक्षांची तयारी तुम्ही स्वतःही करू शकता. पण तज्ज्ञ शिक्षकांच्या मार्गदर्शनाखाली तयारी केली तर त्याचा फायदा नक्कीच होतो.