अमेरिकेतील ॲरिझोना राज्याच्या उपाध्यक्ष आणि डेमोक्रॅटिक पक्षाच्या उमेदवार कमला हॅरिस यांच्या प्रचार कार्यालयावर मध्यरात्री गोळीबार करण्यात आला.
टेम्पे पोलीस विभागाने दिलेल्या माहितीनुसार, या कार्यालयात रात्रीच्या वेळी कोणीही उपस्थित नसल्याने या गोळीबारात कोणतीही व्यक्ती जखमी झालेली नाही. परंतु, या घटनेने परिसरातील कामकाज करणाऱ्यांच्या सुरक्षेबद्दल चिंतेचे वातावरण निर्माण झालं आहे. तसेच Southern Avenue आणि Priest Drive जवळील कार्यालयाच्या समोरच्या खिडक्यांचेही नुकसान झालं आहे.
तपास यंत्रणा घटनास्थळी पुरावे गोळा करत असून सुरक्षेच्या दृष्टीने कार्यालयात आता जास्त खबरदारी घेत असल्याचं स्थानिक पोलिसांनी सांगितलं.
कार्यालयावर हल्ल्याची ही दुसरी घटना आहे. यापूर्वी, 16 सप्टेंबर रोजी, मध्यरात्रीनंतर कार्यालयाच्या खिडक्यांवर बीबी गन किंवा पेलेट गनने गोळीबार करण्यात आला होता. मात्र या दोन्ही घटनांमध्ये अद्याप कोणालाही अटक करण्यात आलेली नाही.
लागोपाठच्या या घटनांमुळे सुरक्षा आणि चिंतेचा मुद्दा वाढला आहे. कारण, याआधीही माजी अध्यक्ष डोनाल्ड ट्रम्प यांची हत्या करण्याच्या प्रयत्न झाला होता. पेनसिल्वेनियामध्ये झालेल्या एका रॅलीदरम्यान, 20 वर्षीय थॉमस मॅथ्यू क्रुक्सने गोळीबार केला होता. त्यावेळी ट्रम्प आणि इतर दोन व्यक्ती जखमी झाले होते.
गुन्ह्यांच्या या साखळीत, राजकीय कार्यकर्त्यांच्या सुरक्षतेचे प्रश्न उपस्थित होत आहेत.
