चवीसाठी मीठ लागणं आवश्यक असतं, पण त्याचं जास्त सेवन शरीरासाठी हानिकारक ठरू शकतं. त्यामुळे आहारात मिठाचा वापर योग्य प्रमाणात करायला पाहिजे. आयुर्वेदात 5 प्रकारांची मीठं सांगितली आहेत, या मिठा मुळे आपल्या शरीराला काही फायदेशीर परिणाम होतात. चला, जाणून घेऊ कोणते आहेत हे मिठाचे प्रकार.
पादेलोण (सौवर्चल/संचळ मीठ)
हे मीठ खनिजातून तयार होते. या मिठाचे खडे पांढरट गुलाबी रंगाचे असतात. यामध्ये सोडियम क्लोराईड सोबत अल्प प्रमाणात मॅग्नेशिअम आणि कॅल्शियम असतात. या मिठाला गंधकाचा तिव्र गंध असतो आणि याची चव इतर मिठांपेक्षा वेगळी असते
टेबल सॉल्ट (साधं मीठ)
टेबल सॉल्ट म्हणजे बारीक केलेलं सोडियम क्लोराईड. यामध्ये आयोडीन कमी असते. मांसाहारी पदार्थ तयार करतांना हे मीठ वापरलं जातं. याला ओलावा लागला तरी पाणी सुटत नाही.
बीडलवण (खाजणातील मीठ)
हे मीठ पचनासाठी हलके आहे आणि पचनशक्ती वाढवण्यास मदत करतं. गॅस आणि मूळव्याध अशा समस्यांवर या मिठाचे सेवन उपयुक्त ठरते.
सांबरलोण (सांबर मीठ)
हे मीठ खाऱ्या जमिनीतून काढलं जाते. विशेषतः अपचन, कावीळ, वात आणि त्वचारोगांसाठी , आयुर्वेदिक औषधांमध्ये या मिठाचा उपयोग होतो तसेच, काही हर्बल तेलांमध्येही या मिठाचा वापर होतो.
सैंधव मीठ (शेंदेलोण)
हे मीठ नैसर्गिकपणे शुद्ध असतं. यात आयोडीन आणि लोहाचं प्रमाण जास्त असतं. सैंधव मीठ पचनासाठी फायदेशीर ठरतं. यामुळे पचनप्रणाली सुधारते आणि भूकही वाढते. या मिठाच्या पाण्याची वाफ श्वसनसंस्थेसाठी उपयुक्त असते. तसेच सैंधव मिठामुळे शरीरातील पीएच पातळी राखण्यास मदत होते.सैंधव मिठाला शेंदेलोण असेही म्हणतात.
समुद्री मीठ
हे मीठ इतर सर्व प्रकारांपेक्षा जास्त खारट असतं. यामध्ये सोडियम आणि इतर खनिजे असतात. विविध प्रकारात हे मीठ मिळते, खडे मीठ किंवा बारीक असं. आणि हे मीठ सगळ्या प्रकारच्या आहारपद्धतींमध्ये वापरले जाऊ शकते.
